Koi Guftagu Ho Lab Par Qari Asad Ul Haq Sharif Lyrics

Koi Guftagu Ho Lab Par, Tera Naam Agaya Hai

Koi Guftagu Ho Lab Par, Tera Naam Agaya Hai
Teri Madhha Karte Karte Ye Maqam Agaya Hai
Koi Guftagu Ho Lab Par…

Dar e Mustafa Ka Manzar, Meri Chashm e Tar Ke Andar
Kabhi Subho Agaya Hai, Kabhi Shaam Agaya Hai
Koi Guftagu Ho Lab Par…

Ye Talab Thi Anbiaa Ki Rukh e Mustafa Ko Dekhen
Ye Namaz Ka Waseela Inhen Kaam Agaya Hai
Koi Guftagu Ho Lab Par…

Do Jahaan Ki Naimaton Se Tere Dar Pe Jo Bhi Manga
Mere Daman e Talab Mein Wo Tamam Agaya Hai
Koi Guftagu Ho Lab Par…

Wo Jo Pi Ke Sheikh Saad Balagh ul Ulaa Pukarey
Mere Dast e Natawaan Mein Wohi Jaam Agaya Hai
Koi Guftagu Ho Lab Par…

Mera Qalb Wo Hira Hai Jahan Wahi e Naat Utri
Ye Sahifa e Mohabbat Mere Daam Agaya Hai
Koi Guftagu Ho Lab Par…

Wo Adeeb Jis Ne Mehsher Mein Bapa Kia Hai Mehsher
Wo Kahain Ke Aao Dekho Ye Ghulam Agaya Hai

Koi Guftagu Ho Lab Par, Tera Naam Agaya Hai
Teri Madhha Karte Karte Ye Maqam Agaya Hai
Koi Guftagu Ho Lab Par…

Koi Guftagu Ho Lab Par, Tera Naam Agaya Hai