Phir utha walwala mp3

Phir utha walwala naat mp3 play online & download. Large collection of Islamic naats shareef, download and listen online naat mp3 Online naats, hamds, bayan,lyrics & quran audios.


Audio:Phir utha walwala mp3

Artist: Haji Muhammad Mushtaq Qadri
Page views 46

Lyrics

  • Phir utha walwala-e-yaad-e-mugheelaan-e-arab,
  • Phir khincha daaman-e-dil sooye bayaabaan-e-arab.
  •  
  • Bagh-e-firdous ko jaate hain haazaaraan-e-arab,
  • Haaye sehra-e-arab haaye bayaabaan-e-arab.
  •  
  • Meethi baatein teri deen-e-ajam imaan-e-arab,
  • Namkeen husn tera jaan-e-ajam shaan-e-arab.
  •  
  • Ab to hay girya-e- khoon gauhar-e-daamaan-e-arab,
  • Jismein do la’al the Zahra key woh thee kaan-e-arab.
  •  
  • Dil wohi dil hay jo aankhon sey ho hairaan-e-arab,
  • Aankhein wo aankhein hain jo dil sey hon qurbaan-e-arab.
  •  
  • Haaye kis waqt lagi phaans alam ki dil mein,
  • Ke bohot door rahe khaar-e-mugheelan-e-arab.
  •  
  • Fasl-e-gul lakh na ho wasl ki rakh aas hazaar,
  • Phoolte phalte hain be fasl gulistaan-e-arab.
  •  
  • Sadqe hone ko chale aate hain laakhon gulzaar,
  • Kuch ajab rang sey phoola hay gulistaan-e-arab.
  •  
  • Andaleebi pe jagharte hain kate marte hain,
  • Gul-o-bulbul ko laraata hay gulistaan-e-arab.
  •  
  • Sadqe rahmat key kahaan phool kahaan khaar ka kaam,
  • Khud hay daaman kash-e-bulbul gul-e-khandaan-arab.
  •  
  • Shaadi-e-hashr hay sadqe mein chutenge qaidi,
  • Arsh par dhoom sey hay daawat-e-mehmaan-e-arab.
  •  
  • Charche hote hain ye kamhlaaye huey phoolon mein,
  • Kyoon ye din dekhte paate jo biyabaan-e-arab.
  •  
  • Tere be daam key bande hain raeesaan-e-ajam,
  • Tere be daam key bandi hain haazaaraan-e-arab.
  •  
  • Hasht-e- khuld aayein wahan kasb-e-latafat ko RAZA,
  • Chaar din barse jahan abr-e-bahaaran-e-arab.